Қазақтың көне – салт дәстүрлері
Баланы үзеңгіден өткізу
Баланы қырқынан шығарысымен үзеңгіден өткізеді. Үзеңгіден атақты: ақындар, шешендер, би-батырлар өткізген. Атқа мініп тұрған адам оң аяғын үзеңгіден шығарады. Құндақтаулы баланы сол мезетте үзеңгіден өткізеді. Баламен қатар тұқымы асыл тазы, төбет иттердің күшігін де үзеңгіден өткізіп алған. «Ит – жеті қазынаның бірі» дейді қазақ. Мұндай ырым Орталық, шығыс Қазақстанда жиі кездескен. Бала өсіп ер жеткенде «Бәленнің үзеңгісінен өткен, бағы бар» деген екен ауыл ақсақалдары.