Пәні: Қазақ тілі 3 сынып
Сабақтың тақырыбы: Негізгі және туынды сын есім
Мақсаты: 1) сын есім туралы түсініктеріне сүйене отырып, негізгі және туынды сын есім туралы түсіндіру. білім беру;
2) оқушылардың ой - өрісін, танымдық қабілетін сөздік қорларын дамыту, негізгі және туынды сын есімдерді анықтай түсуге жаттығулар орындау, ойындар жүргізу:
3) тазалыққа, ұқыптылыққа тәрбиелеу, туған жерін, Отанын құрметтеуге тәрбиелеу.
Сабақ түрі: ойын сабақ
Әдістері: Сөздік, көрнекілік, практикалық.
Көрнекілігі: Сызба, «Мен қандаймын?», «Саяхатқа шығу», «Ойлан тап» «Сөзден сөз шығару» ойындары бойынша дайындалған көрнекіліктер,(слайд).
Сабақтың барысы:
- Бағдарлау - мотивациялық кезең
«Мен қандаймын?»
Ойынның шарты: Сыныптағы әр оқушы өзінің аты қандай әріптен басталса, оған сол әріптен басталатын сын есімді қосып айтады. Мысалы : Дастан – дарынды Дастан,
мейрімді Мирас т. б.
Сабақтың мақсатын хабарлау. Негізгі және туынды сын есім туралы алған білімдерімізді ортаға салып, жұмыс жүзінде қолдану.
- Операциялық – орындаушылық кезең.
- Көркем жазу Ц ц це цв
- «Саяхатқа шығу» ойыны арқылы ережелерді қайталау.
- Елімізде қандай үлкен қалалар бар? Осы аталған қалаларға кімнің саяхатқа шыққысы келеді? (қала аттары жазылған қима қағаздарда сұрақтар берілген)
Астана: Сөйлемнің тұрлаулы мүшелерін ата
Алматы: Сөйлемнің тұрлаусыз мүшелерін ата
Орал: Қандай сөз таптарын білесің?
Қызылорда: Зат есім туралы не білесің?
Семей: Етістік жайлы не білесің?
Қарағанды: Сан есім туралы не білесің?
Ақтөбе: Сын есім туралы не білесің?
- Тақтадағы сөйлемге назар аударту.
Ол өжет адам еді.
Балалардың талабы таудай.
Айжан әдемі көйлек киді.
Данияр тәртіпті оқушы.
Тапсырма:
Сөйлемдерді оқып сын есімдерді табу, сөз құрамына талдау.
- Қандай ұқсастық бар?
- Айырмашылығы бар ма?
- Осы мысалдарға қарап сын есім туралы не айтуға болады?
(Оқушыларға ой тұжырымдамасын жасатып, ереже шығарту).
Сын есім негізгі және туынды болып бөлінеді. Түбір сөзден болған сын есімді негізгі сын есім дейміз. (таза, үлкен, қызыл).
Түбір сөзге жұрнақ жалғану арқылы жасалған сын есімді туынды сын есім дейміз.( таудай, өнерлі, сезгіш).
- Оқулықпен жұмыс. 1 - жаттығу (сөздерді оқып, негізгі және туынды сын есімдерді жеке топтап жаз).
2-жаттығу. Мақалдарды көшіріп жазу,мағыналарын түсіндіру
Туынды сын есімдерді тауып,сөз құрамына талдау. Тастай,гүлдей,тәуелсіз,білімді
- Сергіту сәті.
Бақыт маған да ортақ,
Бақыт саған да ортақ,
Бақыт бәрімізге ортақ (қимылмен)
Біз бақытты баламыз.
- Осы сөйлемде сын есім бар ма? Қандай сын есім? Неліктен?
- Танымдық тапсырма.
«Сөзден сөз шығару» ойыны.
«Қарапайым» сөзінен сөздер шығару.
(қар, қара, ара, апа, апай, ай, айым, ым).
- Оқулықтан тыс тапсырма.
Терме диктант.
Дәрігер, аласа, күн, терең, жазды, қою, бесінші, өнерлі, айтты, сұйық
(Осы сөздердің ішінен сын есімдерді теріп жазу.
«Ойлан тап» ойыны
Жұ(...) ық, дәп(...) ме, бар(...) та, тоқ(...) дық.
III. Рефлексиялық – бағалау кезеңі.
3-жаттығу
- Ал, балалар, міне, бұлт ыдырап, күлімдеп күннің көзі шықты.
Даламдай кең пейілім
Жүрегім мол мейірім,
Мен үшін жоқ уағың,
Бәріне ортақ шуағым
Осы жарқыраған күндей мейірімді , көңілі ақ, адамға тек жақсылық жасай білетін азамат болыңдар!
Бағалау: (сабақ барысында түсіндіріп кеткен болатынмын. Әрбір оқушыға жауап беру санына сай жетондар таратылады, соның санына қарай бағаланады)
Үйге тапсырма. №4ж 63бет